Si çdo vit, edhe këtë edicion në “Kënga Magjike” do t’i kushtohet rëndësi e veçantë artistëve të rinj, të cilët do të paraqiten para një jurie profesionistësh çdo të dielë në “E diela shqiptare”.
Prej rrjeteve sociale, tashmë është kuptuar se gara e artistëve ka nisur prej disa ditësh, teksa kanë dorëzuar këngët pjesëmarrëse. Tashmë janë zbuluar pjesëtarët e jurisë që do të vlerësojnë kategorinë “New Artist” këtë vit.
Ata janë artisti Armend Rexhepagiqi, Arben Skënderaj si dhe këngëtarja Jonida Maliqi.
“E diela shqiptare” starton më 15 shtator, ku edhe do të nisen të prezantohen artistët e parë që do të garojnë në “Kënga Magjike 2019”.
