Ndryshe nga sa jemi mësuar ta shohim si të ftuar në studio televizive, sidomos në atë të “Opinion”, tashmë Baton Haxhiu do të vi me një emision të tijin në Shqipëri. Kjo pasi gazetari dhe analisti nga Kosova Baton Haxhiu do të zhvendoset në Shqipëri, bën me dije “Dosja.al”.
Ai do të zhvillojë një emision me tema kryesisht politike dhe me të ftuar çdo të enjte në orën 21:00, në AbcNews.
Gjasat janë që Baton Haxhiu të jetë rivali kryesor i Fevziut, i cili të enjteve prezanton emisionin e tij “Opinion”. Nëse Eni Vasili, do të vijojë me transmetimin e emisionit “Open”, në Top-Channel, të tre do të jenë ‘kokë më kokë’ për audiencën e të enjtes mbrëma.
