One Sport zbulon se sulmuesi i Bayern Munich, Robert Lewandowski, ka refuzuar një ofertë shumë të rëndësishme nga Real Madrid, në vitin 2013.
Nëse do ta kishte pranuar atë propozim, Lewandowski do të kishte marrë 11 milionë euro në momentin e nënshkrimit të kontratës. Plus kësaj, do të kishte marrë 8,6 milionë euro në sezon deri më 30 qershor të vitit 2020. Një operacion me kosto të përgjithshme 75 milionë euro.
Arsyen e refuzimit e ka zbuluar ish-këshilltari i lojtarit, Cezary Kucharski.
“E kam bindur se duhej të ishte numri një tek një klub i madh. Te Real Madrid do të ishte mbrapa Benzema dhe francezi do ta kishte fituar garën. Nuk mund ta lejoja që të transferohej te një klub ku konsiderohej si zgjedhja e dytë”, tha ai.
