Partia Socialiste duket se ka arritur të rikonfirmojë tre prej kryebashkiakëve aktual, si kandidatë për zgjedhjet vendore të vitit 2023.
PS do të rikandidojë tre nga kryetarët aktualë të Bashkive. Bëhet fjalë për Bashkinë e Tiranës, Fierit dhe atë të Lushnjes, raporton “Panorama”.
Rama do të rikandidojë për kryetarë të Bashkisë së Tiranës Erion Veliajn, për Bashkinë e Fierit Armando Subashin, dhe për kryetar të Bashkisë së Lushnjes, Eriselda Sefan.
Kryesia e Partisë Socialiste do të mblidhet sot për të diskutuar për zgjedhjet vendore. Kryeministri Edi Rama do të mbledhë Kryesinë në selinë rozë, në orën 18:00.
Në mbledhje do të diskutohet për kandidaturat e kryetarëve të Bashkive. Nga opozita nuk ka ende asnjë emër të konfirmuar për kandidat në zgjedhjet vendore, ndërsa ish-kryeministri Sali Berisha është shprehur se PD-ja do të nisë për herë të parë procesin e primareve për zgjedhjen e tyre.
