Deklarata e kryeministres serbe, Ana Brnabic se shqiptarët e Kosovës janë “njerëz që vijnë nga mali”, ka bërë bujë në rajon.
Reagimet kanë qenë nga më të ndryshmet, ndërsa ministri i Jashtëm i Kosovës, Behgjet Pacolli e shpalli atë ‘non grata’, teksa deklaroi se nuk do të mund të hyjë në Kosovë për sa kohë ndjek një ideologji raciste dhe të sëmurë kundër popullit të Kosovës.
Një tjetër reagim vjen së fundmi nga gazetari i Deutsche Welle-s, Bahri Cani, i cili ka publikuar një foto nga redaksia.
Përshkrimi i tij është ironizues ndaj kryeministres serbe, teksa shkruan “Prej malit e drejt e në studio”, ndërsa nuk mungon as hashtagu ‘zbrita nga mali’.
