Mëngjesin e sotëm në bregdetin e Adriatikut është ankoruar kroçera e parë që prej fillimit të pandemisë, duke sjellë turistët e parë në Shqipëri. Në këtë kroçere udhëtojnë 44 francezë, të cilët kanë vizituar disa nga destinacionet e turizmit kulturor.
Një pjesë e turistëve udhëtuan drejt Krujës, Beratit dhe disa të tjerë qëndruan në Durrës për të vizituar Muzeun Arkeologjik të qytetit si dhe Amfiteatrin Antik.
“La Belle De L’Adriatique”, prej disa vitesh është bërë pjesë e guidave turistike detare. Ajo është 110 metër e gjatë.
Autoriteti Portual, përmes një njoftimi tha se janë marrë masa që i gjithë turi i turistëve francezë të zhvillohet në zbatim të protokolleve kundër koronavirusit.
