Largimi i Cristiano Ronaldos nga Real Madrid drejt Juventusit vazhdon të krijojë debat në studiot e emisioneve sportive në Spanjë. Kjo ka ndodhur edhe sonte në emisionin “El Chiringuito de Jugones” ku mendimet ishin të ndryshme por spikati ajo që tha Oscar Pereiro, fitues i “Turit të Francës 2006”.
“Cristiano kërkoi të largohej sepse ata i thanë portugezit se do të vinte Neymar. Edhe unë e besova, mendoja se Neymar do të luante sot për Real Madrid”, deklaroi Oscar Pereiro, fitues i “Turit të Francës 2006” gjatë debatit.
“Neymar, Mbappe ose Kane, të tjerët nuk bëjnë ndryshimin. Nëse nuk do të ishte për asnjërin prej këtyre të tre, atëherë Cristianos do t’i thoja: ‘klauzola jote 100 milionë? Jo, ti vlen 500 milionë dhe unë do të të rris rrogën tënde në 40 milionë euro në sezon’”, vijoi qëndrimin e tij Pereiro gjatë debatit në emisionin e ndjekur televiziv.
