Gjatë ditës së sotme, kryeministri Rama ka mbajtur një takim me të gjithë deputetët dhe kryebashkiakët e rinj, për veriun e Shqipërisë. Ai ka qenë mjaft i drejtpërdrejtë, ndërsa ka kërkuar të mos ketë asnjë vonesë në konstituimin e këshillave bashkiakë. Kjo, në mënyrë që të nisë puna e qeverisjes vendore dhe shërbimet ndaj qytetarëve.
“Na duhet të bëjmë pa humbur kohë vlerësimin e të gjithë të punësuarve që kanë lidhje direkte me shërbimet lokale. Thënë kjo, duhet një analizë e detajuar për kontributet e gjithsecilit në raport me Partinë Socialiste.
Në muajt shtator dhe tetor, me patjetër duhet të kalojmë në skaner dhe të vlerësojmë drejtorët rajonalë. Nëse ata nuk i janë përgjigjur apo do t’i përgjigjen ritmit tonë, do të largohen”.
