Një nga kërkesat e studentëve protestues, të cilët ende qëndrojnë poshtë zyrës së Ramës në ditën e 12 të tyre, është dhe gjendja e konvikteve në Qytetin Studenti. Përmes fakteve, është zëdhënësja e PD-së, Ina Zhupa, e cila ka denoncuar fajtorët e gjendjes së konvikteve.
Tre nga emrat që administrojnë sot godinat e Qytetit Studenti janë: Erion Veliaj, dhëndri i ish-ministrit Xhafaj, Ditjon Baboçi, si dhe Plarent Ndreca, ish-këshilltari i Ministres së Arsimit, Lindita Nikolla.
Të faktuar përmes dokumenteve, Ina Zhupa bën me dije se mjerimi i konvikteve të Qytetit Studenti e ka emrin Erjon Veliaj, administratori i 100% të aksioneve të kësaj shoqërie publike.
Me vendimin nr. 27004, datë 8.9.2016, Veliaj ka zgjedhur treshen e tij si Bord të Administrimit. Skema e keqmenaxhimit ka si Bord Administrimi: dy drejtorë të Erjonit, dhëndrin e Fatmir Xhafës, Ditjon Baboçi, Anuela Ristani, dhe Plarent Ndrecën. Ajo e thellon akoma më tej skandalin, duke cituar se kjo treshe e perzgjedhur nga Erioni, është në krye të administrimit, me përgjegjësi direkte për gjendjen e mjerueshme të Qytetit Studenti, dhe abuzimin me miliona me tenderat.
