Pak minuta pas aksidentit, policia konfirmon në mënyrë zyrtare se 6 anëtarë të një familje janë plagosur, por fatmirësisht ata ndodhen jashtë rrezikut për jetën.
Treni i udhëtarëve i linjës Durrës -Elbasan është përplasur me një mjet tip “Volvo” me targa angleze, me drejtues shtetasin me inicialet B. C., rreth 40-vjeç, i cili ka qenë duke udhëtuar me bashkëshorten dhe fëmijët.
https://tiranatoday.com/treni-merr-perpara-makinen-ne-golem-shpeton-familja-me-6-anetare/
“Më datë 17.08.2018, rreth orës 09:10, në zonën e Shkëmbit të Kavajës, treni i udhëtarëve i linjës Durrës -Elbasan është përplasur me një mjet tip “Volvo”, me targa angleze, me drejtues shtetasin B. C., rreth 40-vjeç, banues në Durrës, i cili në mjet ka qenë me bashkëshorten dhe katër fëmijët”, njofton policia.
Shtetasit e plagosur janë:
Drejtuesi i mjetit B.C., 40-vjeç
Bashkëshortja L.C., 38-vjeçe
Djali L.C., 8-vjeç
Vajza E.C., 4-vjeçe
Djali O. C., 2-vjeç
Djali tjetër D.C., 6-vjeç
Policia e Durrësit bën të ditur se të lënduarit janë jashtë rrezikut për jetën. Treni që lëvizte drejt Elbasanit, ka qenë me shpejtësi të ulët dhe e ka marrë përpara mjetin për disa metra, deri në çastin e frenimit të plotë.
