Zoran Zaev, ende i pakonstituuar si kryeministër i Maqedonisë, është ftuar nga Përfaqësuesja e Lartë për Politikë të Jashtme dhe Siguri e BE-së, Federika Mogerini, në darkën joformale në Bruksel, në cilësinë, “i përcaktuar për kryeministër”.
Ndonëse vetëm mandatar për formimin e qeverisë së re, ai nesër është ftuar si një nga gjashtë kryeministrat e Ballkanit Perëndimor. Zëdhënësja e Mogerinit, Maja Kocijançiç njoftoi se, “Darka do të jetë vazhdim i vizitës së Përfaqësueses së Lartë, Mogherini në rajon në mars të këtij viti”.
Në Bruksel janë të ftuar në darkën joformale, kryeministrat e Shqipërisë, Kosovës, Serbisë, Malit të Zi dhe Bosnjë e Hercegovinës.
Sipas Kocijançiç qëllimi i këtij takimi është bisedimi rreth ngjarjeve të fundit në Rajon dhe të shihet se si të gjitha vendet mund të shkojnë përpara në rrugën drejt integrimit.
Kujtojmë që, Maqedonia gjendet në një situatë paszgjedhore ende të pakonstituuar, të karakterizuar nga një polarizim politiko-etnik, Kosova në prag të zgjedhjeve të parakohshme, Shqipëria gjithashtu në prag të zgjedhjeve të përgjithshme, Bosnjë-Hercegovina nën kërcënimin e ndarjes mbi baza etnike, (problem ky i evidentuar edhe nga monitorimi i fundit i SHBA-ve), etj
