Presidenti serb Aleksandar Vuçiç priti në një takim kryeministrin maqedonas Zoran Zaev, në Beograd. Me këtë rast, Zaev i paraqiti një dhuratë Vuçiç: fanellën me numrin 9, ku në të ishte shtypur emri i presidentit.
Para takimit me Vuçiç, Zaev u takua me kryeministren serbe Ana Brnabiç në Pallatin e Serbisë. Brnabiç njoftoi më vonë se ajo dhe Zaev ranë dakord të mbajnë një sesion të përbashkët të kabineteve të tyre në fund të shkurtit ose fillim të marsit.
Përveç kësaj, ajo theksoi se vizita e tij ishte “e rëndësishme për të gjithë rajonin dhe thellimin e bashkëpunimit midis dy vendeve”.
“Bashkëpunimi rajonal dhe integrimi rajonal është shumë i rëndësishëm, sepse pa paqe dhe stabilitetit rajonal nuk mund të ketë integrim evropian të Ballkanit Perëndimor,” tha Brnabiç pas takimit.
Zaev tha se marrëdhëniet midis Maqedonisë dhe Serbisë janë ato të “partneritetit dhe fqinjësisë së mirë”, dhe tha se Serbia dhe Maqedonia j”si tani”, lidhen me shumë çështje, gjë që hap potencial për bashkëpunim të mëtejshëm.
Zaev gjithashtu tha se ai dhe Brnabiç folën për bashkëpunimin rajonal dhe se Maqedonia mbështet propozimin për ta bërë Beogradin selinë e Sekretariatit të Transportit, në kuadrin e Procesit të Berlinit.
