Nikolla Gruevski, herët a vonë, do të kthehet në vend dhe do të vuajë dënimin e merituar. Kështu është shprehur kryeministri i Maqedonisë, Zoran Zaev. Ky i fundit komentoi kërkesën e Gruevskit për azil, ndërsa tha se Hungaria si shtet i BE-së nuk do të lejojë që të shkelen marrëveshjet ndërkombëtare.
Zaev madje konfirmoi se ministri i brendshëm i Hungarisë ka kërkuar nga homologu maqedonas Oliver Spasovski të dhëna rreth Gruevskit, se për cilat vepra dhe për çfarë gjykohet, raporton Alsat-M.
Ministria e Punëve të Brendshme e Maqedonisë konfirmoi mbrëmë se ish-kryeministri Gruevski ndodhet në Hungari dhe se ka kërkuar azil politik në këtë shtet.
