Kryeministri i Maqedonisë, Zoran Zaev është optimist se në 2018-ën do të gjendet një zgjidhje për çështjen e emrit me Greqinë.
Zaev shkëmbeu urime me homologun e tij grek, Aleksis Tsipras, me rastin e vitit të ri, si dhe është shprehur optimizmin se brenda vitit 2018 do të ketë një zgjidhje për çështjen e emrit dhe pas këtij zhvillimi, fqinji verior i Greqisë do të mund të bëhet anëtar i NATO-s dhe të fillojë negociatat për integrimin e tij në BE.
Mësohet se kryeministri maqedonas është i vendosur që vendi i tij të hyjë në negociata me Greqinë në këtë 6-mujor, ndërsa theksoi se për këtë duhet edhe vullneti i palës greke.
“Vizita ime në Selanik për të festuar vitin e ri, është një mesazh që tregon se politikanët janë ata që duhet të hapin dyert e mbyllura në mënyrë që qytetarët të mund të komunikojnë dhe të bashkëpunojnë më mirë me njëri-tjetrin, duke braktisur paragjykimet”, ka shtuar Zaev.
Nga ana tjetër, edhe ministri i Jashtëm i Greqisë, Nikos Kotzias ka deklaruar më herët në një intervistë radiofonike se propozimi i qeverisë greke për emrin e Maqedonisë në negociatat e përbashkëta, do të jetë jashtëzakonisht i mirë dhe do të aprovohet nga një shumicë parlamentare e deputetëve që mendojnë me përgjegjësi patriotike dhe kombëtare.
