Rrjeti më i madh i videove në botë, gjiganti Youtube do të nisë një shërbim të ri muzikor në fillim të vitit të ardhshëm.
Sipas një raporti të Bloomberg, ky do të jetë një shërbim i paguar, i cili do të lansohet në mars të vitit të ardhshëm.
Shërbimi i ri me pagesë do të ofrojë Streaming në kërkesë të ngjashëm me Spotify si dhe videoklipe.
Aktualisht, YouTube është në bisedime me disa nga firmat më të mëdha të botës, përfshirë Sony Music Entertainment, Universal Music Group dhe Warner Music Group, teksa kjo e fundit thuhet se tashmë është në bord.
