Kryeministri Edi Rama po fsheh një superskandal. Të paktën kështu pretendon ish-ministri i Drejtesise, Ylli Manjani. Ai ka shkruar për një tjetër skandal të madh sipas tij që po prodhon Rilindja. Sipas Manjanit, pas Agronit (Gerondit) dhe Fatmirit, Rama po fsheh marrëdhëniet me Vladimirin (Putinin)!
Ai shpjegon më tej se “takimet e tij me misionarët rusë të naftës, janë kulmi tjetër i skandalit. Dhe me kë, pa! Me Rusët e Putinit!”.
PËR MË TEPËR LEXONI EDHE:
“Ky është pazari i pistë i Edi Ramës me bosin e kompanisë fantazmë”
Postimi i Manjanit:
Rilindja tashmë prodhon një skandal për të mbuluar një skandal më të madh.
Me Agronin (Gerondin) dhe Fatmirin, po fsheh marrëdhëniet me Vladimirin (Putinin)! Takimet e Tij me misionarët Rusë të naftës, janë kulmi tjetër i skandalit. Dhe me kë, pa! Me Rusët e Putinit! Nuk lë rast pa na shurdhuar veshët me përbetime për negociatat dhe dashurinë për BE. Nuk flet më për dashurinë Amerikane, se atje qeveris “turpi i njerëzimit”…! Në fakt kokën e ka në Turqi dhe mendjen në Rusi. Trupin e sjell ndonjëherë në Shqipëri, sa për qeder. Ndërkohë pozita strategjike e Shqipërisë është në ditën e vet më të zezë!
Qeveria e Rilindjes po na vendos në krah të armiqve të perëndimit. Me këtë të fundit, të vetmen marrëdhënie “tregtare” që kemi, është furnizimi drogë dhe krim!
Po që edhe për këto pislleqe të Tij “fajin e ka opozita”! Ajo është “Ruse” dhe “anti-BE”…
Opozita kërcënohet me arrestime e burgje, tashmë! Ndërkohë Rilindja vijon të zhytet në skandale! Një ditë do ti vihet viza bilancit të super skandaleve dhe e imagjinoj fundin e dhimbshëm të përbindëshit… Shqiptarët i dhanë besim, ndaj nuk ja kishin borxh këtë damkë anti-perëndim!
Duhet vënë damka tek Rilindja e trafikantëve të interesave të vendit dhe jo tek Shqiptarët!
