Ish-ministri i Drejtësisë, Ylli Manjani ka sulmuar Ilir Metën, duke e ironizuar atë me anë të një postimi në Facebook.
Teksa fushata ka filluar, ish-kreu i LSI-së, Ilir Meta ka thënë publikisht se partia që ai drejtonte do të dalë forcë e parë politike.
Madje, jo më larg se dje, Meta bëri një parashikim lidhur me zgjedhjet e 25 qershorit, teksa tha se LSI-ja do marrë 7 mandate të sigurta në Tiranë, 4 në Durrës, 4 në Fier, 4 në Elbasan e 3 në Korçë.
Sot, Manjani ka ironizuar partitë që bëjnë parashikime se sa mandate do të fitojnë, duke thënë se në fakt ato duhet të thonë se c’do bëjnë për t’i marrë këto mandate.
Një mesazh që duket se Manjani kërkon t’ia përcjellë edhe ish-kryetarit të tij, Ilir Metës.
Më poshtë postimi i Manjanit:
Fushatë si kjo skemi parë!
Partitë tregojnë se sa vota do marrin në vend të thonë ç’do bëjnë për ti marrë!!!
Politikë falli me kafe turke!
Por kanë një rrugë të gjatë për të bërë, meqë ra fjala!
Të shohim.
