Ylli i Tottenham, Son Heung-min i ka shpëtuar shërbimit ushtarak i cili është i detyrueshëm në vendlindjen e tij, Korenë e Jugut, pasi ka arritur të triumfojë në finalen e “Lojërave Aziatike”. Son ishte i vetmi lojtarë me moshë më të madhe në ekipin U-23 dhe ky ishte shansi i fundit që ai të shpëtonte karrierën e tij.
Në finalen me Japoninë, ekipi i Son arrit të fitojë në kohën shtesë në shifrat 2-1. Tashmë lojtari I Koresë së Jugut do të rikthehet në Premier League për të luajtur me skuadrën e Totteham. Koha e rregullt përfundoi në barazim pa gola, ndërsa në 30 minutat shtesë koreano-jugorët shënuan dy herë dhe goli i Japonisë pak më vonë vlejti vetëm për statistikë.
Në rast se Koreja e Jugut nuk do t’ia dilte, sulmuesi i “Spurs-ave” do të detyrohej të bënte shërbimin e detyruar ushtarak në atdheun e tij, për 24 muaj dhe në këmbim do të merrte 100 euro në muaj.. Ligji koreano-jugor përjashton nga shërbimi ushtarak sportistët që sjellin medalje dhe tashëm Hueng Min-Son është një nga ata që ka marrë medalje.
