Ylli bavarez rrezikon Botërorin, Shkodran Mustafi në gatishmëri

Përpos disfatës që pësoi një natë më parë Bayer Munich, tashmë do të përballet edhe me disa mungesa mjaft të rëndësishme. Në minutën e 8’ është larguar nga fusha Arjen Robben, ndërsa në minutën e 34’ edhe një lojtarë mjaft i rëndësishëm si qendërmbrojtësi Jerome Boateng dhe stafi mjekësor dyshon se futbollisti ka mbyllur sezonin.Shtatlarti rrezikon që të mungojë për 6 javë dhe kjo do të thotë që sezoni për të është mbyllur para kohe dhe është në rrezik prezenca e tij në Botëror. Joachim Low do të kërkojë të bëjë të pamundurën që të ketë në Rusi qendërmbrojtësin që është mjaft i rëndësishëm në formacionin Gjerman.Në rast se Boateng nuk do të jetë në formë për të udhëtuar me kombëtaren gjermane drejt Rusisë në qershor, atëherë trajneri Low do të kthejë në kombëtare Shkodran Mustafin. Ky i fundit nuk ishte i grumbulluar në miqësoret e fundit dhe kjo vë në pikëpyetje edhe pjesëmarrjen e tij në Botëror, por në mungesë të një mbrojtësi kaq të rëndësishëm si Boateng, eksperienca e Mustafit do të ishte e domosdoshme në ekip.Gjermania ndeshjen e parw e zhvillon më 17 qershor me Meksikën, për të vijuar në 23 me Suedinë dhe Korenë e Jugut më 27 qershor. Ndërkohë në Mynih nuk i druhen vetëm dëmtimit, pasi disa herë Boateng ka qenë i lëkundur për të vijuar më tej karrierën me skuadrën bavareze dhe mundësitë e transferimit të tij janë të mëdha, përfshi Manchester City, Real Madrid, Barcelona dhe Chelsea, kështu që ndeshja me Real mund të konsiderohet edhe si e fundit me fanellën bavareze.