Gazmend Paja, i cili njihet për rolet e tij që i sjell me mjaft mjeshtëri, së fundmi ka imituar këngëtarin Ylli Baka. Personazhi i tij ishte Ylvi Bakeri, që në fakt, është një imitim plot nota humori i këngëtarit. Por ky i fundit duket se nuk e ka marrë aspak me sportivitet këtë gjë.
Ylli vetë pretendon se nuk i ka ardhur keq, por nga ana tjetër, nga emisioni “Rreze dielli”, i dërgoi ca këshilla aktorit. “Është shumë i talentuar. Nuk e di pse më duket sikur do të këndojë edhe ky.
Sikur po e shoh që do të bëjë një “Baftjar” të dytë me atë Ylviun, po më duket se nuk e bën dot. Kurse për atë pjesën tjetër, unë këndoj, por nuk këndoj gjithë ditës siç thotë ai. Unë do ti këndoja diçka Gazit tani në mëngjes, që në mëngjes mezi këndon edhe gjeli. “O Gazi t’u bëfsha unë, mos u merr more me këtë punë”. Nuk më ka ardhur keq me këtë imitim. I them vetëm mos e trash, se nuk shkon”.
