Kantautorja e njohur dhe bashkëshortja e ish-presidentit francez, Nicolas Sarkozy, Carla Bruni, do të mbajë sot, për herë të parë, një koncert në Butrint, ku do t’i prezantohet publikut me 11 këngë nga albumi i saj më i ri “French Touch”.
“Përshëndetje të gjithëve në Shqipëri. Doja t’ju thosha që quhem Carla Bruni e që do të këndoj për ju Ditën e Festës së Muzikës, në teatrin e vjetër të Butrintit në orën 21:00 dhe shpresoj që do të jeni atje”, u shpreh kantautorja.
Ndërkohë, kryeministri Rama, ka uruar “mirëmëngjesi” me një video ku shfaqet Carla Bruni teksa i fton të gjithë që të marrin pjesë.
“MIRËMËNGJES dhe me këtë yll bote që për Ditën Ndërkombëtare të Muzikës zgjodhi të këndojë për shqiptarët, ju uroj një ditë të mbarë”, shkruan Rama.
https://www.facebook.com/edirama.al/videos/2270228673090252/?t=1
