Nga: Marsela Sinani/Xhisiela e ka kuptuar qartë se politika e përdori me mundësinë e parë, e ngriti në piedestal, u lakmua, po ashtu edhe e “tretën për së gjalli”.
Disa foto virale tregojnë një Xhisielë e cila lakmohej për jetën e saj të “florinjtë”, ku çdo gjë ndrinte nga luksi. E pas përplasjes së fortë që pati jeta e saj në një fraksion sekondi, gjithçka u rrënua.
Jeta e saj nuk kishte atë shkëlqimin e duhur. Në morinë e komenteve, sa mbështetëse dhe sa dashakeqe, binte në sy një përplasje mes ish-liderve të PD-së dhe atyre zërave të rinj në këtë forcë.
Topalli, e cila zgjedh të flasë pak, ka reaguar në lidhje me 25-vjeçaren, ku mediat dhe jo vetëm, e panë si një tortë, ku mund të merrnin pjesën më të madhe.
Këtë herë, Topalli i ka dhënë “shuplakën” e radhës Bashës, duke i kërkuar indirekt që mos ta përdorë për qëllime politike. Po ndërsa ish-kryeparlamentarja godiste të djathtën përmes Xhisielës, Berisha vijon me çuarjen deri në fund të misionit të tij, se fajtori i vetëm në tërë këtë histori është Rama.
Me një gjuhë të vrazhdë e të drejtëpërdrejtë, ish-kryeministri thotë se shteti i ka shplarë trurin vajzës, dhe kjo dëshmon qartë se çfarë është i aftë të bej shteti përdhunues kundër një viktime të pambrojtur. Edhe në këtë rast, të djathtët mbeten sërish të përçarë. Viktima e radhës, Xhisiela, nuk arriti që të bënte bashkë në një mendje të larguarit nga PD, duke thelluar edhe më shumë përçarjen.
TIRANA TODAY
