Një i ri shqiptar është vënë në pranga të policisë italiane. 25-vjeçari është kapur teksa udhëtonte me një makinë të vjedhur.
Arrestimi i shqiptarit u bë mbrëmjen e djeshme në zonën “Pontirolo Nuovo”. Ai shkaktoi një aksident rrugor dhe pas kontrolleve, ai ra në grackën e policisë.
Ndaj shqiptarit me iniciale, E.N, tashmë rëndojnë dy akuza: shkaktim aksidentit dhe vepra penale e vjedhjes.
Pasi shkaktoi aksidentin, i riu tentoi t’ia mbathte në këmbë. Aventura e tij nuk zgjati shumë kohë dhe më pas përfundoi në pranga.
Shqiptari fillimisht ka nxjerrë dokumente të rreme greke, ndërsa pas kontrolleve të shenjave të gishtave, autoritetet zbuluan se ai është nga Shqipëria, përcjell “giornaleditreviglio.it”.
Shqiptari i kërkuar mbante me vete doreza, kaçavida, thika, si dhe mjete të tjera të paligjshme. Në makinën “Audi A4” shqiptari mbante edhe sende të tjera, të cilat dyshohen se i ka përftuar përmes vjedhjes.
