Momente sikleti ka kaluar kryeministri Rama sot para Policisë së Shtetit. Teksa ka folur për rastin “Xhisiela”, Rama është bërë ujë në djersë.
Kryeministri ka shprehur irritimin e tij për mënyrën se si media e përcolli dëshminë e nënkomisar Nuhut, lidhur me akuzat ndaj djalit të deputetit socalist Rraja.
Rama ka fajësuar Shërbimin për Çështjet e Brendshme dhe Ankesat që sipas tij nuk reagoi në kohë, për të sqaruar opinionin publik, por lejoi që kjo shpifje të baltosë Policinë e Shtetit.
Fjala e Ramës
Sot djali i deputetit është aty ku e ka çuar drejtësia, jo aty ku do ta kishte lënë partia. Duhet një reagim i drejtë. Edhe pse Policia e Shtetit u godit nga brenda, u desh që shpifja të merrte dhe. Kjo është e pajustifikueshme. Ku ishte drejtori i SHÇBA-së kur shpifësi e solli me shkrim? Pse u la shpikësi brenda radhëve të policisë së shtetit që u krijua një vorbull e ia mbathi të ikte për të kërkuar azil?
Faji i mosreagimit në kohë të SHÇBA-së për një shpifje që iu bë Policisë së Shtetit. Pse iu mohua publikut shqiptar e drejta për të parë të vërtetën në kamerat e komisariatit lidhur me skemën e fantazuar nga shpifësi.
Nuk e justifikon gjithë atë baltë që mori Policia e Shtetit. U la gjithë Shqipëria të përpëlitej në vorbullën e një fantazie me deputetë të armatosur që i vënë pushkën në ballë një punonjësi policie që kamerat thonë se nuk ishte aty.
E di shprehjen e famshme, kur gënjeshtrat kanë bërë xhiron e botës, e vërteta s’ka veshur pantallonat. S’e pranoj dot që një provë nuk i jepet publikut por thjesht mbyllet në prokurori sepse është provë hetimore.
Kjo është jashtënxjerrja e re e medias.
