Gazetarja e njohur Arbana Xharra, e cila një javë më parë u sulmua fizikisht pranë shtëpisë së saj në Prishtinë, shpjegoi mbrëmë në një studio televizive detaje lidhur me ngjarjen e rëndë.
Xharra tha se natën e sulmit, ajo kishte vënë re se ishte ndjekur nga një i dyshuar që nga Tirana, ku kishte qenë e ftuar në një emision televiziv.
Ajo shtoi se u sulmua fizikisht nga dy a më shumë persona, duke bërë lidhjen se ky sulm erdhi pas akuzave të anëtarëve të shoqërisë civile ndaj saj, që pasuan aderimin e saj në politikë.
Xharra me paraqitjen në krah kreut të PDK-së, Kadri Veseli, u bë temë diskutimi në radhët e shoqërisë civile e më gjerë. Dy ditë pas aderimit, Xharra u sulmua mesnatën e së premtes me mjete të forta, nga persona ende të paidentifikuar.
