Partia Socialiste, në kuadër të zbatimit të hapit të parë të Reformës në Drejtësi, paralajmëron hapur çdo pjesëtar të sistemit të drejtësisë të implikuar por edhe politikanë, se epoka e re e drejtësisë jo vetëm që do t’i përjashtojë, por edhe do t’i ndëshkojë ata.
Kryetari socialist i Komisionit të Posaçëm Parlamentar për Reformën në Drejtësi, Fatmir Xhafaj, tha sot për gazetarët se : “Segmente të politikës kanë kohë që ndjejnë frikën nga një sistem i pavarur me integritet dhe profesional. Pengmarrësit e drejtësisë, jo vetëm do të përjashtohen nga sistemi, por për disa prej tyre ndëshkimi nuk do të ndalet me kaq”.
Ai tha se procesi i zbatimit konsiderohet i nisur dhe rruga pa kthim.
Treni i drejtësisë do të mbërrijë në destinacionin e projektuar dhe aq të dëshiruar për shqiptarët.
Teksa u shpreh krenar që ishte pjesë e këtij procesi, Xhafaj falënderoi për kontributin dhe mbështetjen kryeministrin Rama, partnerët ndërkombëtarë, ekspertët dhe anëtarët e komisionit, por edhe medien e pavarur.
Ai gjithashtu i njohu meritën opozitës që mbështeti me votë reformën, sipas tij më të rëndësishëm e kësaj legjislature.
Sipas Xhafës, PS është krenare për mbajtjen e premtimit më të madh gjatë mandatit 4-vjeçar, edhe pse pati kosto të lartë politike.
“PS dhe grupi i saj parlamentar, bëri të gjitha përpjekjet, edhe me kosto të lartë politike e institucionale për të jetësuar Reformën në Drejtës, angazhimi dhe premtimi i bërë nga në fillim të mandatit tonë, dhe sot me krenari themi që është një nga premtimet më të mëdha të mbajtura në këtë legjislaturë”, tha ai. …. vijon…..
