Ministri i Brendshëm, Fatmir Xhafaj deklaroi sot se ka pasur informacione për skenarë trazirash në Kavajë.
Xhafaj tha se ka pasur një ligjërim politik me tone të ashpra dhe me thirrje për dhunë nga drejtuesit e PD-së dhe se janë evidentuar organizime konkrete për realizimin e këtyre thirrjeve.
“Kemi patur të dhëna për disa organizime, grupe jashtë strukturave të PD, por nën ndikimin dhe organizimin e PD, që do të tentonin që të krijonin përplasje. Kemi patur sinjalizime për individë të caktuar dhe grupe të caktuara për të nxitur tensione në Kavajë, ku do të tentonin të intimidonin dhe të përplaseshin me njerëzit që do të votonin dhe për t’i përdorur më pas këto incidente si alibi për dështimin e negociatave”, u shpreh në emisionin “Top Story” ministri i Brendshëm .
