Boris Johson*
“Sabah”
“Mënyra e udhëtimit me kolona të armatosura që rekomandohet për të udhëtuar në kryeqytetin e një vendi nuk është asnjëherë shenjë e mirë. Kur kalon nëpër ndërtesat si ngordhësira të venitura dhe ecën në rrugët e Mogadishu-t, ndjen rrënimin e krijuar e të përjetuar prej vitesh në Somali. Edhe ambasada Britanike që valëvit flamurin e Mbretërisë së Bashkuar në Mogadishu, mundësinë e vizitës time e quajti ‘situatë të jashtëzakonshme’.
Mogadishu kishte mbetur i ekspozuar përballë plaçkitjeve të baronëve të luftës, të cilët rrugët e bardha të stilit Italian i kishin kthyer në grumbull rrënojash.
Në fund, grupi terrorist El-Shabab njëherësh edhe krahu i Al-Kaedës në Afrikën Lindore, kishte shtënë në dorë pjesën më të madhe të zonës jugore të Somalisë dhe impononin rregullat e tyre më të pamëshirshme. Sikurse e ka thënë dhe lideri i Somalisë: “Grupi terorrist El-Shabab është një rrezik për Somalinë, vendet fqinje, rajonin dhe gjithë botën.”
Sot të gjitha këto kanë ndryshuar.
Qeveria formale e rikthyer në Somali, nisi punën në një mënyrë të kujdesshme për ndërtimin e vendit nga zero. Në vitin 2013, si Mbretëri e Bashkuar, hapëm përsëri Ambasadën tonë dhe dërguam diplomatët tanë në mbështetje të zbatimit të përpjekjeve që mundësonin lindjen e Somalisë nga hiri. Dhe në shkurt të këtij viti, Somalia mbërriti në një pikë kthimi. Kryetari i shtetit Farmajo, nisi detyrën e tij në Mogadishu duke kaluar në krye të saj me rrugë paqësore.
Kjo është rrëfenja e një përmbledhjeje shumë të rëndësishme pas anarkisë dhe përplasjeve të përgjakshme që vazhduan prej vitesh. Por, ende ka shumë për të bërë.
Kur isha në Mogadishu, përjetova privilegjin e njohjes me ushtarët e Mbretërisë së Bashkuar që ndihmonin në rritjen e aftësive ushtarake të ushtarëve të AMISON-it (Misioni Somalez i Bashkimit Afrikan). Por, Somalia nuk mund të jetë tërë kohën e varur nga të huajt; është e nevojshme të marrë përsipër përgjegjësitë e forcave të veta në mbrojte dhe sigurisë të qytetarëve të saj. Për mua njëra nga prioritetet me Somalinë është Marrëveshja e Sigurisë. Pra, dëshiroj të arrijmë një marrëveshje që do të çojë më tej reformat e sigurisë dhe që përfshin planin e krijimit të një Ushtrie Kombëtare, ndërsa qëllimi ynë final është që në vitin 2021 të realizohen zgjedhjet ‘një njeri – një votë’. Për fat të keq një katastrofë që hijezon të gjitha këto detyra të mëdha është evidente. Somalia tani vuan një thatësirë të frikshme dhe uri të miliona njerëzve. Tani që po shkruaj këto rreshta, numri i somalezëve që kanë nevojë urgjente për ushqime, është gjashtë milion dhe rreziku i urisë është shumë serioz.
Zia e fundit e bukës që goditi Somalinë ndodhi në vitin 2011 dhe nuk duhet të harrojmë që vdiqën rreth 260 mijë njerëz.
Nëse lëvizim shpejt dhe të vendosur mund ta ndalojmë këtë fatkeqësi. Mbretëria e Bashkuar është duke avancuar në këtë çështje duke siguruar ilaçe, ujë dhe ushqime për më tepër se një milion njerëz në Somali.
Kombet e Bashkuara dhe bashkësitë ndërkombëtare duhet të sigurojnë ndihmën që Somalia e ka të nevojshme. Rreziqet janë aq shumë, saqë nuk e kemi luksin të dështojmë.
*Ministër i Jashtëm i Anglisë
