Fatmir Xhafaj, duke folur në cilësinë e ish-ministrit të Brendshëm mbi incidentet e dhunës gjatë fushatës elektorale, kërkoi rritjen e nivelit të angazhimit të organit të akuzës për zbardhjen e çdo rasti dhune.
Duke iu referuar sulmeve të ashpra të LSI-së ndaj kryepolicit Haki Çako, Xhafaj tha se “Policia s’ka forcë të të nxjerrë forcë të parë. Policia nuk mund të shërbejë si rrufepritës”.
Ai vlerësoi si korrekte punën e Çakos, ndwrsa dënoi çdo akt dhune në procesin zgjedhor.
”Duhen ndëshkuar ashpër me forcën e ligjit. Policia ka rolin e saj, por një rol të rëndësishëm ka edhe prokuroria. Prokurorët kanë përgjegjësi të zbardhin sa me shpejt këto ngjarje. Përdorimi i qëllimshëm i këtyre ngjarjeve është i dënueshëm. Unë i bëj thirrje Prokurorisë të reagojë shpejt për të zbardhur ngjarjet. Kam ndjekur një mesazh të Cakos ndaj strukturave, mu duk se ishte shumë profesional dhe kërkonte që të ndëshkojnë ashpër çdo lloj përfshirje në fushatë”.
Ai i bëri thirrje politikës të ruajë qetësinë, duke nënkuptuar shprehjen e famshme të Ilir Metës “me qetësi dhe dashuri”.
