Ministria e Mbrojtjes, Olta Xhaçka në ka njoftuar sot lajmin se ministria që ajo drejton dhe qeveria kanë menduar se uzinat ushtarake të rivihen në punë nëpërmjet partneritetit me privatët, si dhe me firmat e prodhimit të armëve dhe municioneve të vendeve të zhvilluara anëtare të NATO-s.
Në Uzinën e Lëndëve Plasëse në Mjekës të Elbasanit qeveria Rama ka hartuar një projekt për të cilën ka shfaqur interes një firmë e njohur italiane e prodhimit të municioneve.
Më parë ULP e Mjekësit është përdorur për demontimin e municioneve dhe armatimit të vjetër të ushtrisë shqiptare por dhe armatimit të NATO-s po ashtu të vjetër e të dalë jashtë standardit.
Xhaçka: Ky është një investim që shkon në rreth 25 milionë dollarë dhe do punësojë rreth 150 persona në një fazë të parë. Kjo është një firmë lider në Evropë për armët dhe municionet dhe do ishte një mundësi e jashtëzakonshme për të rivitalizuar uzinën e armëve të Mjekësit.
Ministria e Mbrojtjes thotë se mirëpret projekte dhe plane biznesi të tilla edhe për uzinat e tjera ushtarake të vendit.
