WhatsApp ka bllokuar më shumë se 2 milionë përdorues në Indi për thyerjen e një rregulli pak të njohur, të aplikuar për herë të parë. Me një njoftim në prill të 2020-ës, platforma kufizoi shpërndarjen e një mesazhi identik për shumë njerëz, përmes funksionit “forward”. Pavarësisht kësaj, miliona përdorues në Indi kanë krijuar llogari të dyta për të rritur ‘viralitetin’ e mesazheve.
Kufiri u vendos për të luftuar spam-in (mesazhet e padëshiruara si p.sh. reklamat) dhe përhapjen e thashethemeve, fotove dhe mashtrimeve në vend. Një problem i madh për një komb ku shumë njerëz mbështeten në aplikacionin e bisedës për të mbajtur veten të informuar për ngjarjet e lajmeve, duke përfshirë trendin e Covid-19.
Kompania tha se lëvizja prek vetëm ata që kanë dërguar lajme të paverifikuara si dhe foto dhe video me një “normë të lartë dhe jo normale të mesazheve”. Faqja lokale Express e raporton se mbi 95% e ndalimeve kishin të bënin me “përdorimin e paautorizuar të mesazheve automatike ose masive”.
Algoritmi i Inteligjencës Artificiale hyri në lojë për të identifikuar llogari të padëshiruara, të afta për të analizuar sjelljen e përdoruesit pa lexuar përmbajtjen e bisedave, gjithmonë të mbrojtura nga kriptimi. Çdo muaj, WhatsApp njeh dhe bllokon mesatarisht tetë milion llogari të rreme në të gjithë botën.
