Wanda Nara është rikthyer sërish në “skenë” duke sulmuar gazetën e famshme italiane “La Gazzeta Dello Sport”. Kjo gazetë paraditen e sotme, kishte publikuar një lajm që thoshte se Wanda i ka dhënë një ultimatum Interit, që nëse nuk do t’i kthehet shiriti i kapitenit Icardit, ai do të largohet duke mos zbritur me në fushë.
Me anë të “Twitter”, ajo ka sulmuar gazetën duke shkruar: “E turpshme! ‘Gazzeta’ është partner i Interit. Të vazhdohen të thuhen këto budallallëqe është edhe më e rrezikshme”.
Ndërkaq ajo kishte postuar dhe një koment të një tifozi të Interit, i cili shkruante: “Pa golat e Mauro Icardit, Interi do të ishte duke luftuar për të mos rënë nga kategoria”.
Kjo gjë ka tensionuar dhe më shumë marrëdhëniet mes të gjitha palëve duke filluar nga drejtuesit dhe duke përfunduar te tifozët.
