Rrjedhje në radhët e Vetëvendosjes në Kosovë. Aleanca për Ardhmërinë e Kosovës, (AAK), përmes një njoftimi për media, ka bërë të ditur se i janë bashkuar disa aktivistë të kësaj partie.
Sipas njoftimit të AAK-së, Blerim Krasniqi, Valon Haxhijaj, Mentor Shala, Shemsedin Rraci, Granit Krasniqi, Avni Muriqi, Kadri Krasniqi, Rasim Krasniqi, të njohur për aktivitetin e tyre në radhët e VV, janë anëtarët më të rinj të AAK-së.
“Jemi të zhgënjyer me demokracinë e propaganduar të VV-së dhe kemi fituar besim në vizionin e Ramush Haradinajt dhe të AAK-së”, ishte motivimi për veprimin tyre.
AAK, PDK, Nisma, dy forcat e tjera politike, Partia Social-Demokrate e Kosovës dhe Balli Kombëtar i Kosovës, përbëjnë koalicionin politik parazgjedhor, i cili ka kandiduar Ramush Haradinajn për kryeministër, në rast fitorje në zgjedhjet e 11 qershorit.
