Aleksandër Vuçiç ka komentuar sot dialogun me Kosovën, gjatë një takimi me kongresistin amerikan, Ted Poe.
Presidenti serb shprehu mirënjohje që administrata amerikane mbetet e hapur në mënyrë që të shfrytëzojë mundësinë ekzistuese për të arritur një kompromis.
Sipas zyrës së Presidentit Vuçiç, kongresisti Poe ka mbështetur qëndrimin që Kosovës dhe Serbisë duhet t’i jepet kohë dhe hapësirë për të arritur një marrëveshje të përbashkët. Ndërkohë, Vuçiç falënderoi kongresistin Poe për angazhimin e tij ndër vite në forcimin e marrëdhënieve dypalëshe midis Serbisë dhe SHBA.
