Presidenti i Serbisë Aleksandër Vuçiç dhe lideri i Partisë Popullore Vuk Jeremiç dikur ministër i Jashtëm, nuk i kanë marrëdhëniet e mira midis tyre, teksa ditën e sotme ata janë përballur me njëri-tjetrin në Presidencë.
Portali serb Nova.rs, ka siguruar foton ku dy politikanët ndodhen ballë për ballë dhe të acaruar. Një ditë më parë Vuçiç kishte ftuar Jeremiçin se bashku me disa anëtarë të tjerë nga partia e tij, që të vinin në Presidencë, pasi do merrej personalisht me ta.
Përfaqësuesit e partisë së Jeremicit kanë deklaruar për media se tek ndërtesa e presidencës kishin shkuar për të pyetur Vucicin nëse është normale që ai të ftojë qytetarët e Serbisë për të luftuar me ta.
“Ne të gjithë erdhëm dhe ai tha se do ta luftonte. Borivojë Borovic aktualisht është jashtë vendit. Të katërt erdhëm për t’i thënë presidentit të mos ketë frik. Ai na ftoi dhe ne erdhëm të kërkojmë që ai të në pres, për të parë se çfarë kishte për të thënë”, ka deklaruar Jeremic, para se të hynte në presidencë.
Pas disa minutash në ndërtesën e Presidencës, përfaqësuesit e Partisë Popullore iu drejtuan përsëri medias. Jeremic tha se Vuçiç zbriti poshtë dhe ishte dukshëm i zemëruar.
“Presidenti zbriti dhe po dridhej i tëri. Ishte e pakëndshme për sigurimin. Filloi të bërtiste, duke thënë “hajdeni më rrihni”. Por në ato momente ai ishte i siguruar nga truprojat e tij. E ftova të dilte jashtë por s’guxoi.. Ai na mallkoi, ofendoi dhe na kërcënoi. Më tha se jam një hajdut”, tha Jeremiç.
