Një situatë e nderë është krijuar në Kosovë, pasi protestuesit i kanë bllokuar rrugën Vuçiç, duke ndezur zjarr. Që në orët e para të ditës, qytetarët e Skënderaj në Kosovë kanë bllokuar aksin rrugor Skenderaj – Mitrovicë, në protestë të vizitës së presidentit serb, Aleksandar Vuçiç në fshatin Banjë.
Protestuesit kanë vendosur kamionin, duke bllokuar rrugën që të çon për në fshatin Banjë të kësaj komune, të cilin Vuçiç pritet ta vizitojë paraditen e sotme.
Protesta është organizuar nga shoqatat e dala nga lufta, të cilat kanë njoftuar që një ditë më parë për aksionin e tyre. Me pankarta në duar ku kërkojnë mos kalimin e Vuçiç dhe me ndezjen e zjarrit, ata janë bërë bashkë për një qëllim.
