Zbardhen detaje të reja në lidhje me ekzekutimin e Presidentit të Haitit Jovenel Moïse, dhe plagosjes së Zonjës së Parë, ngjarje e ndodhur disa ditë më parë në rezidencën e tyre.
Mësohet se një nga të arrestuarit për këtë ngjarje të rëndë, është ish-informator i Administratës së Zbatimit të Drogës në SHBA, shkruan agjencia e lajmeve, Reuters.
“Një nga të dyshuarit për vrasjen e Presidentit Haitian Jovenel Moise ishte një burim konfidencial i DEA. Këta individë nuk po vepronin në emër të DEA.”- tha zyrtari i DEA në një email, duke shtuar se i dyshuari kishte arritur te DEA pas vrasjes dhe se ajo e nxiti atë të dorëzohej.
Javëne kaluar, autoritetet në Haiti arrestuan dy burra amerikano-haitian, Joseph Vincent, 55 vjeç dhe James Solages, 35 vjeç, duke i akuzuar ata për komplot së bashku me 26 kolumbianë në sulmin fatal ndaj Presidentit haitian, Jovenel Moise.
Një amerikan i tretë haitian, Christian Emmanuel Sanon, u arrestua të dielën nga autoritetet haitiane, të cilët e akuzuan atë si një organizator i sulmit. Zyrtari, i cili foli në kushte anonimiteti, nuk pranoi të tregonte se cili nga dy burrat kishte qenë informator. I dyshuari nuk ishte një informator aktiv në kohën e vrasjes, tha një burim i zbatimit të ligjit.
Një grup prej të paktën 28 personash janë të dyshuar për vrasjen, 20 prej të cilëve janë arrestuar, përfshirë dy shtetas amerikanë.
