Vrasja e Mond Çekiçit, flet avokati i Lul Berishës: Nuk kanë pasur njohje

Durrësi është përfshirë nga një seri ngjarjesh kriminale, ku viktima më e fundit për llogari të bandave ishte Edmond Koçi, i njohur ndryshe si Mond Çekiçi.

Në media u publikuan informacione se Mond Çekiç ka qenë pjesë e bandës së Durrësit, dhe se kishte njohje të afërta me Lulzim Berisha.

Lidhur më këtë informacion, ka reaguar Detar Hysi, avokati i Lulzim Bershës, i cili thotë se ky i fundit nuk ka asnjë njohje me Mond Çekiçin.

“Si mbrojtës ligjor i shtetasit Lulzim Berisha, dua të sqaroj se nuk ka pasur asnjë njohje, lidhje me shtetasin e vrarë në Durrës”, u shpreh avokati i Lulzim Berishës.

Mond Çekiçi u ekzekutua mëngjesin e 20 marsit në Durrës, ku u qëllua me breshëri plumbash brenda makinës së tij, nga disa persona të cilët ishin të maskuar.

Ai rezulton të jetë dënuar disa herë për akuzën e mbajtjes pa leje të armëve dhe kundërshtimit të forcave të policisë, duke u dënuar edhe me 2 vite burgim për armëmbajtje pa leje.