Mohsen Fakhrizadeh Mahabadi, shkencëtari Iranian që njihej si ‘babai i bombës iraniane’ ka mbetur i vdekur si pasojë e një atentati. Lajmin e kanë bërë me dije mediat iraniane, konkretisht Ministria e Mbrojtjes së Iranit.
Ngjarja e rëndë ndodhi në Teheran, teksa shkencëtari Iranian po udhëtonte ne një makinë bashkë me truprojat e tij. Sulmuesit i shpërthyen makinën dhe më pas qëlluan me breshëri automatiku drejt tij, duke e lenë shkëncëtarin e plagosur rëndë bashkë me truprojat.
Mohsen Fakhrizadeh u dërgua në spital, por pavarësisht përpjekjes së mjekëve nuk ia doli dot që të mbijetonte duke ndërruar jetë. Truprojat ndodhen në gjendje të rëndë në spital.
Sulmi që i solli vdekjen shkëncëtarit nuk ka ende një autor, port ë gjitha dyshimet janë të drejtuara nga Izraeli. Izraeli pretendonte se Fakhrizadeh ka udhëhequr programin bërthamor ushtarak të Republikës Islamike, por kryeministri izraelit, Benjamin Netanyahu nuk pranoi të komentonte mbi vrasjen e Fakhrizadeh, siç ndodh rëndom pas një ngjarjeje kaq të rëndë.
