Në Kryeqytet, mbrëmjen e sotme, në një mjet është gjetur i plagosur me armë zjarri shtetasi E.B, 32 vjeç. Ai u dërguar menjëherë në spital, por nuk ka mundur të jetojë. Policia ka gjetur automjetin në rrugën “Shefqet Musaraj”.
Ndërkohë në spital ka shkuar i dëmtuar me armë zjarri në shpatull edhe shtetasi M.D., 27 vjeç, i cili ndodhet jashtë rrezikut për jetën. Ende nuk dihet nëse mes dy personave ka pasur një shkëmbim me armë zjarri, dëshmia e 27-vjeçarit dhe hetimet në vijim pritet që të zbardhin ngjarjen e plotë.
Blutë kanë sekuestruar kamerat e sigurisë në zonë. Në vendngjarje ndodhen shërbimet e policisë ku po punohet për sqarimin e plotë të rrethanave të ngjarjes dhe identifikimin dhe kapjen e autorit/ve.
