Një vrasje me armë zjarri ka ndodhur sot në Shkodër, në fshatin Grudë, rreth orës 11:00. Mësohet se viktima është shtetasi Angjelin Shkami, i cili është gjetur pa jetë brenda automjetit të tij tip Benz.
Aktualisht, nuk dihen ende rrethanat e ngjarjes, ndërsa në vendngjarje kanë mbërritur forcat e policisë dhe po punojnë për identifikimin dhe kapjen e autorit.
Informacion paraprak
Me datë 17.12.2017, rreth orës 11:10, Salla Operative është njoftuar se në rrugën që të çon tek varrezat e “Stom Golemit”, një person në një makinë, është pa shenja jete.
Shërbimet e Policisë kanë shkuar menjëherë në vendngjarje ku kanë konstatuar se në mjetin tip “Benz” me targa AA 275 BF , ndodhej trupi i pajetë i shtetasit A.Sh. 32 vjeç, banues në Shkodër, i vrarë me armë zjarri nga persona akoma të paidentifikuar.
Grupi hetimor nën drejtimin e Prokurorit ndodhet në vendin e ngjarjes ku po vazhdojnë hetimet për zbardhjen e plotë të ngjarjes.
Në vendngjarje janë gjetur dhe sekuestruar tre gëzhoja pistolete.
Janë ngritur pika kontrolli si dhe po bëhet krehja e zonës me qëllim kapjen e autorëve.
Në mbështetje të veprimeve që po kryhen nga D.V.P. Shkoder për kapjen e autorëve, janë edhe grupe të FNSh-së.
