Një ngjarje e rëndë ka ndodhur në Himarë mëngjesin e sotëm.
Biznesmeni në fushën e ndërtimit, Niko Goro është qëlluar për vdekje me armë zjarri.
”Më datë 17.10.2020, rreth orës 08.55 minuta në vendin e quajtur rrethrrotullimi që të çon në lagjen Spille, Himarë, nga një person ende i pa identifikuar është vrarë me armë zjarri shtetasi N.G, 51 vjeç”, informon policia.
Në momentin e ngjarjes, Goro sapo doli nga marketi i motrës së tij e po shëtiste me bashkëshorten, dhe të dyja mbetën të plagosura nga të shtënat.
51-vjeçari është qëlluar me 5 plumba, dhe nuk arriti t’i mbijetojë plagëve.
Mësohet se atentatori ka zbritur nga një furgon ku ishin edhe 3 persona të tjerë, i është afruar Goros dhe e ka qëlluar.
Në vendngjarje ka shkuar grupi hetimor dhe nën drejtimin e Prokurorisë po vijon puna për zbardhjen e rrethanave të ngjarjes, identifikimin dhe kapjen e autorit/ve.
Kush ishte Niko Goro
Niko Goro ishte një emër i njohur në qytetin e Himarës.
Ai ishte kushëri me kryetarin e bashkisë Himarë, Jorgo Goro.
Goro, përveçse biznesmen në fushën e ndërtimit, kishte një bar-kafe dhe një hotel.
