Shkëmbimi vdekjeprurës i zjarrit midis militantëve palestinezë në Rripin e Gazës dhe ushtrisë izraelite është përshkallëzuar ndjeshëm dhe Kombet e Bashkuara janë duke paralajmëruar për mundësinë e një lufte në shkallë të plotë.
Militantët palestinezë të Hamasit kanë hedhur mbi 1,000 raketa brenda 38 orësh, shumicën në Tel Aviv, tha të mërkurën Izraeli.
Izraeli ka kryer qindra sulme ajrore, duke shkatërruar dy blloqe ndërtesash në Gaza, të martën dhe të mërkurën, shkruan BBC.
Së paku 53 palestinezë dhe gjashtë izraelitë janë vrarë që prej ditës së hënë, prej nga ku filluan dhe luftimet midis dy vendeve.
Kryeministri izraelit, Benjamin Netanyahu është shprehur se qeveria do të përdorte të gjitha forcat e saj për të mbrojtur Izraelin nga armiqtë nga jashtë dhe trazirat e brendshme.
Ndërkohë, një video shokuese është regjistruar në Palestinë, ku një baba ka marrë fëmijën e mitur dhe e ka hedhur përpara ushtarëve në mënyrë që ata ta qëllonin.
”Qëllojeni, qëllojeni. Vriteni atë”,dëgjohet të thotë babai në video.
Mirëpo, ushtarët nuk e kanë kryer këtë veprim. Një prej tyre i ka shtrirë dorën të miturit i cili mban në duar flamurin e Palestinës, duke mos e qëlluar.
