Autori i vrasjes së të dashurës së tij 19-vjeçare, Xhulejeta Çuni, 31vjeçari, Xhafer Mata ka ndërruar jetë në spital. Mata ka ndërruar jetë pas vetëplagosjes me armën e zjarrit që kreu vrasjen ndaj 19-vjeçares.
Vrasja
Një vrasje me armë zjarri pistoletë u shënuar në zonën e “Don Boskos”, në Tiranë, rreth orës 8:10 të mëngjesit të kësaj të premteje.
Xhafer Mata, një 31-vjeçar nga Kalimashi i Kukësit, ka qëlluar për vdekje 19-vjeçaren Xhuljeta Çuni, e më pas ka shtënë edhe ndaj vetes. Vajza ka ndërruar jetë në vend, ndërsa agresori është transportuar për në Spitalin e Traumës, ku ka ndërruar edhe jetë. 
Gazetarët e “Tirana Today”, të ndodhur në vendin e ngjarjes, raportojnë se 19-vjeçarja ka qenë e shoqëruar me një tjetër vajzë.
Kjo e fundit është marrë në pyetje për të hedhur dritë mbi këtë ngjarje të rëndë. Mendohet se mes tyre ka pasur një lidhje, dhe autori, në gjendje të rënduar psikologjike ka qëlluar mbi vajzën.
