Gjykata e Fierit ka dhënë masën e sigurisë për Albert Zekën, i cili vrau në 26 qershor të 2017 shokun e tij, Kreshnik Beqirajn. Gjykata ka vendosur masën “arrest me burg” për vrasësin makabër.
Ai është paraqitur i penduar para trupit gjykues, duke thënë se ndihet i penduar për krimin e bërë dhe se duhet dënuar nga gjykata. Gjithashtu i ka kërkuar falje familjarëve për vrasjen e shokut.
Albert Zeka ka treguar me detaje të skemës së krimit, ai ka rrëfyer se si fillim e ka goditur viktimën me çekiç dhe pas tre ditësh e ka ndarë trupin e shokut në copa dhe e ka dërguar në Daullas, vendin ku u gjet trupi i Beqirajt para dy ditësh.
