Krimet e Rënda kanë caktuar pak çaste më parë masën “arrest me burg” për Teodor Lerën, i cili vrau gruan e tij. Ngjarja e rëndë u shënua dy ditë më parë në Vlorë, e ndërsa fqinjët rrëfyen se mes çiftit kishte grindje të vazhdueshme. Kjo është konfirmuar sot në gjykatë nga vetë autori i krimit.
Pas një sherri me bashkëshorten e tij Etleva Lera, Teodori pa e menduar dy herë e vrau këtë të fundit në banesë, duke përdorur armë të ftohta. Ai vetë tentoi vetëvrasjen duke prerë damarët, por policia arriti ta ndalonte në kohë dhe ta shpëtonte.
Çifti kishte pasur probleme edhe më parë, e ndërsa Teodor Lera ishte dënuar në vitin 2017 se kishte dhunuar gruan dhe vajzën e tij. Por, më pas kishte dalë nga burgu.
Sherri, sipas gjykatës në atë kohë, ishte se bashkëshortja e tij nuk pranonte të largohej nga Vlora për në Tiranë.
