Ai qëlloi për vdekje dy persona në Salzburg një vit më parë, ndërsa ka befasuar trupin gjykues, duke thënë se nuk mbante mend asgjë. Shqiptari Florin C., 43-vjeç vrau më 14 tetor të vitit 2017 një roje nate dhe një truprojë, teksa kishte shkuar me të dashurën e tij në një restorant.
Mediat e huaja shkruajnë se e dashura e tij ishte ngacmuar atje, sipas deklaratës së shqiptarit. Ky i fundit ka thënë se donte të sqarohej, por situata degjeneroi dhe plasi sherri.
Mirëpo, ajo që ka befasuar trupin gjykues është fakti se 43-vjeçari ka thënë se nuk mban mend asgjë.
Ai ka thënë: “Vetëm pashë gjak. Që nga ai çast, asgjë më nuk më kujtohet”
Pokurori Robert Holzleitner tregoi se ai sulmoi rojen e natës me thikë, me teh prej nëntë centimetrash, ndërkohë që më pas një truproje është gjendur në rrugë me dy plagë në shpinë, të thella katër centimetra.
Prokurori vijoi: “Ai donte t’i vriste të dy. Kjo është e qartë, nga vete goditja e fortë”.
Por, mediat e huaja shkruajnë se edhe pse shqiptari ka pranuar se nuk është person i dhunshëm, në Shqipëri ka qenë i dënuar për vrasje në vitin 1997, por më pas, pa kryer gjithë dënimin është arratisur në Austri.
