Kastriot Reçi i cili mbeti i vrarë ditën e sotme në Rrëshen, dy vite më parë kishte humbur edhe vëllanë e tij. Gasper Reçi u vra në Itali.
Gasper Reçi, 43 vjeç nga Rrësheni është ekzekutuar në vitin 2017 në banesën e tij në Via Simeri Crichi, në Tor Vergata. Nga hetimet në atë kohë, nuk u arrit të identifikohej asnjë person si i dyshuar për atentatin.
Në momentin që është qëlluar në banesën e Reçit, ka qenë vetëm vajza e tij. Edhe pse ambulanca ka mbërritur menjëherë në vendngjarje, Gasper Reçi nuk ka mund të shpëtojë, pasi plagët e marra i kanë shkaktuar vdekjen e menjëhershme.
Hetuesit italianë bënë të ditur se Gasper Reçi kishte disa precedentë penalë në të kaluarën, për posedim dhe shpërndarje të lëndëve narkotike.
E ndërsa sot u vra Kastriot Reçi, në rrethana që ende presin të sqarohen nga policia. I ndjeri, mesazhin e fundit të lënë në rrjetin social Facebook e ka pasur për Vitin e Ri.
