Ervis Martinaj është liruar dje me garanci pasurore. Martinaj ishte i vetmi që qëndronte ende në burg, lidhur me ngjarjen në ish-Bllok ku u vra Fabiol Gaxha, pas përplasjes në lokalin e Redi Popeskut.
Mësohet se Martinaj u lirua nga Gjykata me garanci 50 milionë lekë të vjetra, ndërsa prokurorët e çështjes kanë kundërshtuar vendimin.
Në nëntor Prokuroria la në burg Martinajn, akuzat
Prokuroria e Tiranës ka zbuluar se biznesmeni Ervis Martinaj, i arrestuar për përplasjen me armë në ish-Bllok, ku mbeti i vrarë Fabian Gaxha dhe i plagosur ai së bashku me Eljon Haton, disponon edhe një pasaportë me emër tjetër të Republikës së Kosovës.
Për këtë arsye, sipas Prokurorisë, ekziston rreziku që Martinaj të arratiset jashtë vendit, në rast se Gjykata vendos një masë shtrënguese sigurimi më të lehtë se arresti me burg. Kështu, në kërkesën për caktim mase sigurie “arrest me burg”, Prokuroria thotë se Martinaj ka lëvizur jashtë vendit me këtë pasaportë dhe ka dyshime se ajo mund të jetë falsifikuar nga vetë i hetuari, që gjendet në masën e “arrestit me burg”.
Më tej, Prokuroria e Tiranës deklaroi në seancën e parë se ka dërguar në Kosovë një letërporosi, pasi dyshohet se Martinaj ka kryer edhe veprën penale të falsifikimit të dokumenteve. Konkretisht, Prokuroria kërkon nga Kosova që të administrojë.
NGJARJA
Ngjarja ndodhi në mbrëmjen e 4 tetorit 2018 në brendësi të lokalit Monopol, ku pati shkëmbim zjarri pas konfliktit të nisur mes grupit të Martinajt dhe grupit të Ervin Matës. Viktimë mbeti Fabiol Gaxha dhe u plagos vetë Martini dhe shoku i tij Elio Hoti.
