Dhoma e Avokatisë së Shqipërisë ka reaguar në lidhje me vrasjen e avokatit Ravik Gurra, në qytetin e Elbasanit.
Ata shfaqen të shokuar nga kjo ngjarje e rëndë që tronditi mbrëmjen e sotme vendin, dhe njëkohësisht kanë kërkuar nga organet ligjzabtuese të vënë para përgjegjësisë autorët e krimit.
Dhoma e Avokatisë shpreh shqetësimin e saj duke argumentuar se veprime të tilla kanë marrë përshkallëzim në rritje ndaj profesionit të avokatit.
“Dhoma e Avokatise te Shqiperise, nepermjet mediave u vu ne dijeni te vrasjes me arme zjarri te Avokat Ravik Gurra, antar i Dhomes te Avokatis Tirane, ajo e tronditur thelle nga kjo ngjarrje, me shqetesim dhe indinjate te thelle ju kerkon organeve ligjzbatuese duke i dhene perparesi gjetjes dhe venies para pergjegjesise te autoreve te kesaj vepre e cila vjen e behet cdo dite me prezente ne kercenim te jetes dhe shendetit ndaj avokateve, veprime qe kane marre pershkallzim ne rritje ndaj profesionit sa te nderua aq edhe fisnik te avokatit” deklaron Dhoma e Avokatisë.
